You Cannot Download this book untill you login but you can read it .

---

Login Register

sauka ba,
hanyar gidan Baffa ta dauka,

duk nisan dake tsakanin su bata gani ba, ita dai burinta a taimakesu a ceci rayuwar mahaifinsu,

Da dutse take bugun gate din gidan da iya kurewar karfinta,

Ya salam!!
Baffa ya fadi yana mai mikewa,
yanzu duk samarin dake kofar gida basu ji bugun gate dinnan ba,

mtsww... ya ja tsaki ya dauki torch ya bude kofa,

Wayeeee ne?
Baffa ya tambaya cikin muryar bacci,
Nice,
Nadiya ce,
Dan Allah ka bude Baffa,

Tsaki ya kara ja yace ohh ya Allah,
Ya bude gate din ya kalleta Sama da kasa yace "lafiya da wannan daren?

"Baffa--- baba zai mutu, dan Allah kazo muje ka kaishi asibiti, Dan Allah baffa,

harararta yayi yace "kece kike daukar rayuwa da kikasan zai mutu,

waya ya ciro a aljihunshi yace bari in kira Antyn ku sai kije ta bada driver sai ya kaiku,

dadi taji cikin ranta dan ko ba komai ya kula,

sau uku ya kirata bata dauka ba,

kudi ya ciro a aljihunshi Naira dari biyu,
bai duba duhun dare ba yace
"maza ki samu Mota kije gidan ki buga musu kamar yadda kika buga min,
kinga babu kowa a gidan nan bare ince su kaiki,

tsugunawa tayi ta karba tayi godiya ta juya da sauri ta tafi,
duk motar da ta tara kin tsayawa tayi, gudun ta sake yi har Allah yasa ta samu machine, ta hau ya kaita har kofar gidan,

Tura kofar tayi ta shiga, Mai gadin gidan ta hango a can kofar bayi,
da gudu ta shige ciki,
kofar parlon ta fara bugawa da karfi,

Badariyya dake daki ta jiyo bugun kofa,
bugun zuciyarta ya tsananta, ta fara gyara jikinta,
wannan Karan doguwar riga ce a jikinta silk material,
Tayi kyau ainun,
tafiyarta mai kyau takeyi har ta isa kofar,

Bacin rai ne ya ziyarci zuciyarta ganin Nadiya a tsaye,
waje ta leko a hankali taga babu kowa,
dogon tsaki taja a ranta tace "duk gyaran nan da nayi na wannan banzar ne,

"Badar Ina mummy? Nadiya ta katse mata zancen zucin da takeyi,
Kallon banza badariyya tayi mata tace " ta tafi koyo sallama,

Badar plss is very important in ga mummy, Dan Allah tana ina,

kofa Badar ta kama zata turo Nadiya tayi saurin riketa tace, "plss Bad---- don't u dare, Badar ta katse ta hade da bige hannunta,
dis nyt is very important for me as well, banason abin da zai bata min shi kin gane ko,
ki bar gidannan kafin ki hadu da wulakanci marar iyaka,

da karfi ta turo kofar ta jingina a jikinta tana maida numfashi,
i hate her, wayyo Allah na, ta fadi hade da dafe goshinta, ganinta a daren nan ya kara darsa hassadarta a cikin ranta,

me ya kawota gidan nan cikin daren nan? ,
daren da ta kosa da zuwan shi shekaru da dama, tun bata gama sanin kanta ba, ,

daren da take mafarkin zuwanshi a cikin yan kwanakin nan,

ta window ta leko ta hango Nadiya na tafe tana kuka hade da shashsheka,

zuciyarta ko digon tausayi babu dan a tunaninta wani abun ne ya kawo ta wanda ya danganci taimakon kudin abinci,

parlor ta karasa ta zauna tana saka yadda zata ganshi a zahiri,
tun tafiyarshi basu taba ko da waya ba,

Bayan tafiyarshi ne ta fahimci ya zamo wani bangare na rayuwar ta,

a karancin shekarunta ta fahimci lallai shi din wani sashe ne a cikin labarin rayuwar ta,
hotunanshi da ke kan IG  ta bude ta fara dubawa,

"kyawun gaske" jajayen labbanta suka furta cikin taushi..

Hoton da yayi posting last a jirgi shi tayi zooming, lumshe idonta tayi tana hango yadda zatayi mishi in ya shigo gida....

A gajiya yake saukowa daga matattakalar jirgin,
akwatin shi yake ja yana tafe cikin kasaitarshi da ta kara karuwa saboda gogewa da Ilimi,

Salam alaikum Malam,
Kamar "Little Diku ko"?
kyakykyawan saurayin ya tsaida shi yana tambayarshi,

daga kai Musaddiq yayi alamun nazari sannan ya sauke ya kalleshi yace "noop wannan
"ENG MUSADDIQ M KYARI"  ne duba cikin Sauran mutane may be ka ganshi,

akwatin shi ya cigaba da ja,
saurayin ya biyo shi ya rike akwatin yace "so sorry guy,

kamaninku sun baci, saidai ni Diku na ba haka yake ba,

okk den, je ka nemoshi sauri nakeyi, abokina na jirana a waje musaddiq ya fadi fuskar nan a tamke kamar da gaske,

kallonshi saurayin yayi Sama da Kasa ya juyo shi sosai sannan ya d'aka mishi duka  hade da rungumeshi sosai,
"I miss so much friend,

"missed u more Mahmud, musaddiq ya fadi yana dariya,

kaga yadda ka zama kuwa, omg, KYARI ya zama big guy, Allah yasa ZUCIYAR ma ta girma, Mahmud ya fadi cike da zolaya,,

daure fuska Musaddiq yayi yace bansan iskanci, dama abin da yasa kace kai zaka zo daukata kenan,

dariya sosai Mahmud yayi ya dauki jakarshi yaja hannunshi yace "sorry abokina,

kasan a gida nace musu sai gobe zaka dawo jirgin ku ya tsaya,
BADAR ce kadai tasan yau zaka dawo, yanzu ma ta kirani,

"kace ni yau da yunwa zan kwana, musaddiq ya fadi yana Murmushi,

Mota Mahmud ya bude yace "why? , nasan Badar ta shirya zuwanka tunda tare muka hada plan din nan,

bude motar kawai yayi yace lallai kam,
Badariyya da kanta, ni tunda na tafi ko sau daya bamuyi waya ba,
tada mota Mahmud yayi yace "haba dai,
"am serious musaddiq ya fadi yana zare takalmin kafarshi..

  Hirar yaushe gamo suka shiga yi cike da nishadi wanda ya mantar da musaddiq gajiyar da ya kwaso,,

Karar wayarshi ce ta katse hirar,

da fara'ar shi ya daga yace "my chocolaty bakiyi bacci ba,

daga dayan bangaren tace
"ohhh haba uncle wani irin bacci, bamuji ko kun isa lafiya ba,
Ga mum can sai gyangyadi takeyi ka barmu da jira,

auuchhh,  so sorry, kinsan ko na kira bazai je ba, jira nakeyi inje gida in kiraku,
ina take bani ita?

gaisawa sukayi da anty reema da papa,,
sannan suka cigaba da hira shi da Hinad,

INA ON ELEPHANT ,? (KANGIWA)
dariya sosai Hinad tayi ta kalli gefen da Hilal yake zaune cike taff da tarin takaddu a gaba,
a hankali tace "gashi can as usual rai a bace,,
dariya Musaddiq yayi yace "Me kuma akayi mishi?

Su ADEEL nd dere rashin ji, suka jika mishi sketching dinshi da water gun dinsu,
kaga yadda yayi musu duka, ko kunyar idon MEERAH baiji ba,

kai mishi wayar in mishi magana, kin sanshi da son sktcn dinshi,
ko ni da muke tare ban taba ganin su ba duk tsawon shekarun nan,
su ya akayi suka gani?

oho fa Hinad ta fadi tana karasawa gurin Hilal,

mik'a mishi wayar tayi tace "uncle yace in baka,
kamar bazai karba ba sai kuma ya karba ya kara a kunnenshi....

Kiiiiiiiiiiiiiiiiiiii!!!
ya taka burkin da karfi hade da fadin Inna lillahi wa inna ilaihir,

Tsayar da wayar musaddiq yayi a kunnenshi kamar wanda aka dasa, zufa ta shiga karyo mishi,
kirjinshi kamar zai fado saboda tsabar firgici,

Da sauri Mahmud ya fita cike da masifa ya fara surfa mata zagi jiki na rawa,

dago kanta yayi daidai da hasko fitilar da musaddiq yayi alamun kiran Mahmud dan yazo su tafi tunda ba abun da ya faru,

tsayar da wutar yayi chak a Kan fuskarta da ta kumbura ta jike sharkaf da hawaye,

girman da ta kara bazai sa ya manta fuskarta ba domin ita din jininshi ce, wacce tausayinsu ke karya dukkan sassa na jijiyoyin jikinshi,
Cike da tashin hankali ya furta sunan

NADEEYAH!!! ,,

Tunda ya kara wayar a kunnenshi bai ce uffan ba,
tana nan makale a kunnen yanajin duk abin da sukeyi bai tanka ba, bai kuma damu da sanin abinda ke faruwa ba,

sunan da musaddiq ya fadi ne ya sanyashi kallon takardun dake gabanshi ya maimaita sunan Nadeeyah?

"Me ya Samu Nadiya ya fadi da karfi kamar zai tsaga wayar.....

Mrs Tijjani Shattima....
[04/12 09:48] Meela Adeel: ZUMUNCINMU A YAU
By Aysha Ya'u Kurah
1⃣3⃣

WOHN IS 3 TODAY

ALHAMDULILLAH WOHN FAMILY I LOVE YOU FISABILILLAH...

A firgice Hinad ta saki kofin da ta Kai ruwa bakinta ta nufi gurinshi,
ihunshi ba ita kadai Ya firgita ba har papa da fitsari ya farkar dashi,
palon ya nufa da sauri.
tsaye Ya samesu Hinad tana rike dashi tana tambayarshi,
wayar dake kunnenshi papa ya amsa Ya Kara a kunne,

Shuru yaji Ya cireta ya duba,
kallon Hilal yayi yace "lafiya dai?, Kai da wa cikin daren nan,?
Kai komai naka baka yinshi cikin hankali,

dafa papa hinad tayi tace "shi da uncle ne papa ba fada bane,
Wani abu ke faruwa a can gida naji Ya kira Sunan NADIYA,

ajiye wayar yayi kan stool Ya Kalli hilal da idanuwanshi da farar fuskarshi sukayi jawur Saboda bacin ran rashin amsashin da musaddiq yayi,
burinshi a wannan lokacin ya ganshi a Nigeria,

cikin taushi papa yace "wacece nadiya?

Inajin Nadiyar mamma suwaiba, Hinad ta bashi amsa,,
dafashi papa yayi yace "me Ya sameta?

Kamar jira yake "yace Nima bansani ba papa, Musaddiq Yaki fadamin, kamar accident ne!

subhanallahi papa ya fadi Yana mai daukar wayar da niyyar sake kiran musaddiq,
Ya kira Yafi sau shurin masaki babu amsa,

A bangaren musaddiq kuwa tunda Ya saki wayar a kasa Ko takalmin da Ya cire bai sa ba ya fita Ya nufi inda suke,
masifa Mahmoud ke mata kamar zai duketa,
kuka sosai takeyi tana bashi hakuri,

Nadiya!!!

Ya kira sunanta a can karkashin makoshi, dago kanta tayi ta kalleshi,
bata gane muryarshi ba Kuma bata ganinshi Saboda duhun dake gurin!

a kufule Mahmoud yace ka Santa ne?

Hannunta Ya kamo ya fara tafiya ba tare da Ya ba Mahmoud amsa ba,

kuka mai karfi Nadiya ta saki tana fadin Dan Allah kuyi hakuri wallahi ban san--- shhhh Musaddiq ya katseta hade da daura lallausan hannunshi kan labbanta,
hasken motar da ta gifta Su ne Ya bayyana mata fuskarshi,
langwabar da kanta tayi hade da sakin doguwar ajiyar zuciya mai hade da shashsheka,
hawayen dake fitowa a idanunta Ya shiga share mata da yatsun hannunshi,
daga ina kike??
Ya tambayeta Yana mai bude bayan motar,

cikin kuka tace "Baba, Baba--bashi da lafiya dan Allah yaya Musaddiq ka taimakemu kar Ya mutu,
ba musaddiq ba har Mahmoud dake kufule sai da Ya tausaya mata,
shiga ciki muje da sauri Musaddiq ya fadi yana gyara hannun kofar,
a gaggauce ta shiga,
Gudu Mahmoud keyi kamar zai tashi sama, a dai dai kofar gidan yayi parking,
A tare suka shiga gidan da sauri, dakin da yake suka nufa,
inda ta barshi a nan ta sameshi, sai dai wannan karan idanuwanshi a rufe suke kamar me bacci, murmushi tayi tace "Alhamdullilah kun ga ya samu bacci,

kusa da mamma ta matsa wacce ke jingine jikin gadon kamar mutum mutumi,
"ya samu bacci ko Mamma? Na tsorata sosai na fita babu Ko takalmi,
a hanya na hadu da Su yaya musaddiq, gasu nan ku gaisa sai ki tashi Baba mu kaishi asibiti,

"He is no more fa KYARI, Mahmoud yayi mishi rada a kunne..
Rawa jikin musaddiq ya fara yi Yayi saurin matsawa kusa dasu Nadiya, dafa Mamma yayi hannu na rawa Saboda firgici da tausayin rai,

suuuu suka ga ta fadi kasa babu alamar numfashi,
Innalillahi Wa Inna ilaihir rajiun Mahmoud ke maimatawa Saboda tsananin tashin hankali,
Wani irin kuka Nadiya da musaddiq suka saki a tare,
jijjigata Nadiya keyi tana kiran sunanta, komawa jikin Babansu tayi tana tashinshi, Baba ka tashi kaga Mamma, me Ya sameta,

waje musaddiq ya fita da gudu Yana kuka kamar ba namiji ba,
Mahmoud ne yayi karfin halin dagata Yana mata nasiha,
fisgewa tayi ta kwanta kan mamma tana ihun kuka mai Sosa zuciya, "nasiha bata da muhalli a wannan lokacin, (Allah da Kuma Wanda abun Ya faru dashi ne kadai suka San irin halin radadin da mutum yake ciki a wannan lokacin)..

zubar da ruwan hawayenta keyi a fuskar mamma Ya fara farfado da ita daga doguwar sumar shock din da shiga,
motsin da nadiya taji ne Ya sata mikewa da sauri tana kallonta, dagota tayi tana kiran sunanta da karfi tana dariyar farin ciki,
tsugunawa Mahmoud yayi ya rike kanta yace "jeki maza ki debo ruwa, a guje ta fita ta nufi ma'ajiyar ruwan Su ta dibo cikin kwanon sha,
tare suka dawo da Musaddiq da idanuwanshi sukayi jawur saboda kuka,
a hankali Mahmoud Ya debi ruwan a hannunshi ya shafa mata a fuskarta hade da tofa mata adduo'i,  ajiyar zuciya ta saki Mai karfi ta fara binsu da idanu,
tana sauke idonta kan Nadiya ta fashe da kuka Marar sauti,
kukan da idan ka ga mai yinshi sai dukkan gabban jikinka sun saki saboda tsabar tausayi,
rungumeta Nadiya tayi suka cigaba da kukan tare,
Mahmoud ne kadai yayi karfin halin tashi ya rufe Baba da zani sannan Ya dawo Ya dafa Musaddiq yace "Tashi muje mu sanar da mutane a gaggauta Yi mishi sutura kafin safiya,

Mikewa yayi yana share idonshi da bayan hannunshi kamar karamin yaro sukayi waje suna jiyo kukan Nadeeyah kamar ranta zai fita...

Nayi tarayya da mutane da dama tun tasowa ta har kawo wannan lokacin,
na hadu da mutane masu hali na Kwarai haka na hadu da marasa kirki Kwarai dagaske,
a cikin yawon da nayi kasashen duniya da cikin kasarmu ta Nigeria ban taba haduwa da mutum Marar imani da kirki Wanda babu abinda ya sani Sai kansa ba irinki ki!
dole ne yau in fitar da abin da yake raina, BAKI DA IMANI Badariyya,
ki guji bakin duniya, ke ko babu baki ki guji rayuwar ita kanta, ganinki kikayi a inuwata shiyasa kike yin San ran-------- Tabdijam lahaulu Wa la quwwata,
Alhaji!!!
Ashe da raina zanji batun gori Ya shiga tsakaninka da jinina,
Gori kuma???
Daddy ya furta yana kallon mummy da ta rike hab'a tana mishi kallon raini,
kuka Badariyya ta fashe da shi tayi hanyar da mummy ta fito ta rungumeta, shafa bayanta ta shiga Yi tace "Gori mana Alhaji, har nawa Badariyya take da zaka kira ta da Marar imani? Har kana furta tana zaune a karkashin inuwarka,
wallhy ko a mafarki ban taba kawo zakayi tunanin goranta ma Badariyya ba, Sai gashi yau a zahiri naga wannan bakar rana,

mtswwwwwww...
Daddy yaja dogon tsaki yace "Na goranta mata,
indai Badariyya bazata canza halinta ba wallahi ba gori ba wata rana Kiri Kiri zan nuna ba n------ katse Maganar yayi dan baiga amfanin furta ta ba, Ya cigaba da fadin Kinsan abinda tayi ne, in har kikaji abinda tayi ko ke sai kin kirata da fin kalmar Marar imani,
nan ya kwashe duk yadda ya ji sunyi da Nadiya ya fada mata,
ya cigaba da fadin kafin in sako riga in fito Yarinyar nan ta Koreta Koda na fita banga Hanyar da ta bi ba,
Abin da yafi bani tsananin takaici nayi Allah wadai da ZUMUNCIN ZAMANI bai wuce rashin sanin gidan su Suwaiba ba,
kaii Innalillahi Wa inna ilaihir, Allah Ya rangwanta musu daddy ya karashe hannunsa duk biyu dafe a kanshi,
duk rashin imanin Mummy saida jikinta yayi sanyi saboda Jini ba wasa bane,
sakin Badariyya tayi tace "Baki kyauta ba Badar, Dan Allah Karki sake kinji rashin lafiya yafi gaban wasa kinji, gyada Kai Badariyya tayi tana turo baki,
shafa kanta tayi ta nufi Daddy tace tashi muje in rakaka gidan Sai mu kaishi asibiti,

SAI DAI KU KAISHI MAQABARTA, GIDA, KUMA DAKINSHI NA GASKIYA, DAKIN DA DUK MAI RAI SAI YA SHIGE SHI.... Muryar da basu tsammace ta a daren ba suka jiyo daga bakin kofa....

In shaa Allah koda 700words ne a rana zaku dinga samu, in banyi ba to ayi min uzuri, yau da gobe Sai Allah...
Ina matukar kaunarku Sosai Sosai fa.. Allah Ya hadamu a aljanna firdaus...

My world of hausa novel 1/2 (wohn)  I just can't do without you...

Mrs Tijjani Shattima......
[04/12 09:48] Meela Adeel: ZUMUNCINMU A YAU
By Aysha Ya'u kurah
1⃣4⃣



A tare suka waigo da sauri, murmushin farin ciki da shaukin murnar jiyo muryar sanyin idanuwansu ya dauke  saboda ganin yanayinshi,,

mummy ce ta fara isa gareshi ta amshi rigar daya daura a kafada tace "daga ina kake?
Yaushe ka shigo kasar?
Kaga yadda ka zama kuwa!! ta karashe tana mai tallabo fuskarshi,
Hannuwanta Ya cire a fuskarshi Ya fara jan kafarshi a hankali har ya isa gurin mahaifin shi..

"Daddy dan Allah ka taimaka ka dauki liman muje ayi ma Mijin mama Suwaiba sutura..
hannu Daddy yasa Ya share hawaye dake kwance kan fuskar Musaddiq yace "basai ka roke ni ba little yanzu kuwa zamu tafi, Kai dai calm yourself kaje kayi Wanka ka huta Kaji,
girgiza kanshi yayi yace "muje tare daddy bazan iya zama a gida ba daren zaiyi min tsawo,,

Lallausan hannu yaji cikin hannunshi murya can kasa ta marairaice tace "Haba yaya little, dawowarka kenan fa Ya kamata ka huta Kaci abinci sauran abubuwa Sai su biyo baya, kaga Daddy zai tafi Kuma kaima daga can kake,,

yar kara ta saki saboda yadda yayi wurgi da hannunta gefe,
  a da yana tunanin halin Badariyya yarinta ne,
yanzu kam ya tabbatar wa da kanshi Sam Badariyya bata da zuciyar mutane, babu abinda zai iya canza ta, bata da halin gara a cikin halayenta,
tsaki Ya saki Mai karfi hade da galla mata hararar Kyama sannan Ya maida kanshi gurin Daddy yace
"muje Daddy,
mukullin mota daddy zai dauka Musaddiq yace "Mahmoud na waje tare muke dashi muje a motarshi, 
fita sukayi mummy ta Yi Saurin shiga daki ta dauko hijab tabi bayansu...

Limamin massalacin gidanshi suka dauko wanda ya fito da likkafanin da baya rabo dashi, da kuma abin gwajin tsaho..

Koda suka isa babu Kowa a kofar gidan,
a ciki ne suka ga mata hudu makotansu da mazajensu wadanda kukan Nadeeyah ya   iske kunnuwansu  a hanyarsu ta dawowa daga majalisar dare,

Nan take liman yayi gwaje gwajen da zaiyi, Ya baiwa Mahmoud Ya tafi ya kai gurin tela,

malam Sada tela yayi Saurin karbar likkafanin da gwajin yace "bari inyi Saurin dinkawa tunda nan kusa muke,

Cikin awa daya aka Yi ma 'Malam Adamu' sutura aka feshe shi da turaren Musaddiq dake cikin kayanshi na motar Mahmoud,

Adduo'i suka shiga jero mishi na neman yafiyar ubangiji da samun rahama,
Sai da suka idar sannan suka Yi ma mamma gaisuwa da sallama hade da fadin sai zuwa safiya zasu dawo a kaishi,,
gyada Kai Kawai takeyi idanuwanta na ambaliyar hawaye, 
waje suka fita dukkaninsu Mazan, suna fadin halin Kwarai irin na malam Adamu, da irin hakurin da yayi na rayuwar talauci,

Mummy da Musaddiq kadai aka bari a cikin gidan,
duk yadda mummy takai ga kyankyamin talaucin yar uwarta Sai da ta tausaya mata saboda yadda rai yake da alfarma,
  A zuciyarta fadi Kawai takeyi "INA MA NA TAIMAKI ADAMU LOKACIN DA YAKE DA RAI" dana sani Marar amfani mummy ta dingayi wanda hakan yake ga Kowa lokacin da zafin mutuwa ke ratsasu... ( MU TAIMAKI YAN UWAN MU KAR MU BARI SU TAFI SU BARMU DA DANA SANIN DA BAZAI AMFANE MU BA, MU KYAUTATA MU'AMALAR MU DA MAKUSANTANMU KAR MU YARDA MU RASA SU MUNA MASU DANA SANI,
MUTUWA BATA BADA NOTICE BARE MUCE ZAMU JIRA LOKACI YAYI MU KYAUTATAWA JAMA'A).

Ana idar da sallar asuba Baffa da Goggo suka iso, tun daren mummy keta neman numbersu a kashe,
tare suka iso da su mummy da suka koma gida tun dare,

A inda mummy ta tafi tabar mamma da Nadiya nan ta samesu,
Nadiya ta tura kanta cikin cinyoyinta hawaye Ya jika rigar jikinta har yana diga,

kuka Baffa ya fashe dashi a can cikin zuciyarsa yana jin tsanar kanshi na rashin taimaka musun da baiyi ba,
cikin muryar kuka yace "Wayyo Adamu ashe mutuwa zakayi,
ina ma jiyan da Nadiya tazo na biyota mun kaika asibitin,
walhi bani da masaniyar ciwon yayi zafi haka, shiyasa na turota gidanku dan Nasan can akwai direbobi komi dare,

wani sabon kukan takaici ne Ya kufce ma Nadiya,

Musaddiq da Daddy kuwa waje suka fita saboda takaici,
anan ne Musaddiq ya kwashe duk yadda Zumuncin nasu Ya kasance wanda sani tun tasowarsa Ya fada wa daddy,
cike da mamaki daddy yace "yanzu duk kudin zakkar da nake bawa Mahaifiyar ku ta bawa Suwaiba bata bata, 
Musaddiq yace "wallahi ba'a bata, na dai San ana bata dubu biyar duk shekara,
Ya Kara da bashi Labarin abinda ya faru kafin Ya tafi Cyprus,
girgiza Kai daddy ya shiga Yi cike da takaicin halin dangin matarshi...


Ohhh Ho Ho!!
wai waye ne keta damunka da wannan sanyin safiyar,

Tsaki taja ta daga kanta a kan kirjinshi ta mika hannu ta miko mishi wayar, 
Sai da ta dauka saboda ganin bakuwar number a zatonta mace ce, 
jin muryar Namiji yasa ta mika mishi wayar ta Mike ta nufi toilet dan yin wanka,
karawa yayi a kunne cikin magagin bacci yace
"Waye ne,
Hafizu ni ne, 'Garba kero' ne,
  Allah yayi ma mahaifinka rasuwa cikin dare,
Nima yanzu labari Ya iske ni,

A gigice Hafiz ya Mike daga luntsumamman gadon da yake kwance,
"kero bansan iskanci kana jina,! in dai so kukeyi kusan inda nake to kuzo ina nan a AYALLA HOTEL Area 11 Abuja,
Kazo yau zan baka kudin da ka tambayeni, amma ka daina Yi min wasan mutuwa akan iyaye na,

Tsaki kero yayi hade da hadiye yawun bakin shi yace "in kaga dama  daga nan ka wuce ROCK VIEW, damuwarka ce, bana bukatar kudinka yanzu, saboda ina neman na kaina Kuma ina tafe da albarkar iyaye,
Kuma kasan, Ni ba mahaukaci bane da zanyi maka karyar rasuwa, mahaifinka Allah Ya karbi abinshi,
kana iya zuwa in kaga dama, in kuma babu dama to kana iya tura mishi da addua dan dama zuwanka bazai maido shi ba, yaja tsaki ya kashe wayar cike da takaicin halin son kai irin na Hafeez, (Dama Halin mutum na Kwarai ko kirki baya bayyana Sai yayi arziki)....

Jiki na rawa Hafeez ya Mike, Ya dauki riga Ya sawa jikinshi, ko jiran farkarshi baiyi ba yayi waje yana jiyo muryarta tana kwala ihun kiranshi,
inaaa bai ko waigo ba bare yayi tunanin komawa dakin Ya sallameta,

Motarshi Henesy ya shiga ya tayar Ya fara gudun fitar hankali,
hanyar Kaduna Ya dauka yana tafe yana kukan dana sani....

Takwas da rabi ya iso gidan lokacin ana kici kicin daukar gawar Malam Adamu,
kuka ya fashe dashi da ya hada ido da mamma,
Kure shi tayi da ido cike da mamaki da takaici, durkushewa yayi a gabanta yana kuka Mai Sosa zuciya,
ganin da yayi za'a fitar da gawar ne Ya sanya shi mikewa da sauri ya nufi gawar,
ya sa hannu zai karbi makarar a hannun Musaddiq yaji wata gigitacciyar tsawa a bayanshi,
" IDAN KA KUSKURA TA TABA MAKARAR NAN BAZAN TABA YAFE MAKA BA,,
Chakkk ya tsaida hannunshi ya waigo ya Kalli cikin idonta,
kau da kanshi yayi da sauri saboda abun da ya gani a kwayar idon,
soyayya mai dishi dishin kiyayyar bacin rai ya gani,

"Kiyi Hakuri Suwaiba, mahaifinshi ne Ya zame mishi dole yayi rakiyar gawarshi,
Sailuba matar malam Sada ta fadi tana share hawaye,
"Ban hanashi rakiya ba, amma kar kazamin hannunshi ya kuskura ya taba min gawar miji, ta karashe hade da mai da kanta jikin bango tana gunshekar kuka,
fitar da gawar akayi nan gidan ya sake gawraye da kukan mutane musamman makusantan gawar.....


Mrs Tijjani Shattima
[04/12 09:49] Meela Adeel: ZUMUNCINMU A YAU
By Aysha Ya'u Kurah
1⃣5⃣

Ranar murna, mun cinye gasar BBC, proudly fikrians💃🏻💃🏻💃🏻 Safiyya ciyaledi i ❤ u bebi..... FIKRAH WRITERS Bamu fi kowa ba, Amma da wuya ka samu irinmu, komai namu daban yake... Yin na Allah ne ba namu ba ALHAMDILILLAH.....


"Ita Rayuwar nan da kake ganin ta Hafeezu kamar gari ne kaje wanda ba naka ba,
kaga komai daren dadewa, komin dadin zaman garin nan dole ka barshi, saboda ba garin ka bane, bakunta ne ya kaika...

TALAUCI jarrabawa ce babba wacce cinyeta yana da matukar wahala,
duk karfin imaninka dole wata rana zuciyarka ta raurawa saboda zafin wannan jarabawar,

Haka shima *ARZIKI* Jarabawa ce mai wuya kuma mai sauki ga wanda ya fi karfin zuciyarshi,
ina mai baka shawara da kayi yaki da zuciyarka,
ka tafiyar da arzikin da ya fara ziyartar hannunka ta hanyar da ya dace,
domin akwai ranar da zakayi bayanin hanyar da ka kashe su,
nayi maka farin ciki matuka na samun abin yi Allah ya sanya wannan arzikin ya zama sanadiyyar shigarka aljanna,
Allah ya baka ikon sauke hakkinmu kafin mu bar duniyar nan domin Allah shi kadai yasan gawar fari..........  ****
Durkushewa Hafeez yayi idonshi na hango murmushin fuskar mahaifinshi yayin da yake mishi wannan Nasihar,
Wayyo Allah na, wayyo Baba, kaico na, kaicon rayuwata, ya Allah ka dauki raina nima in huta da wannan bakin cikin, wayyyyo baba...,

dakyar mazan gurin suka iya dagashi saboda yadda ya cije yana buga kanshi a kasa,
ku sakeni Dan Allah rayuwata bata da sauran amfani, dan Allah ku barni in mutu,

Tsawa mai karfi Daddy ya daka