You Cannot Download this book untill you login but you can read it .

---

Login Register

mishi hade da ma mutanen alamu da su sake shi,
hannu yasa a bakinshi yace "wallahi zan bata maka rai idan kayi yunkurin sake koda nishi kwakwkwara a gurin nan,
  in har so kakeyi ka nuna mana ka fita a musulunci to kaje daga wajen makabartar nan akwai rijiya ka fada, domin wannan duk haukan banza kakeyi,

  Nutsuwar da daddy yaga ta bayyana jikin Hafeez ne yasa shi ya sakko ya dafa shi yace "zai fi kyautuwa ka tsuguna kayi mishi addu'a domin a wannan gabar ita kadai yafi bukata a gurinka ba kuka ba,

Hannun Daddy Hafeez ya kama yana kuka sosai,
yace "in na rokeshi gafara zai ji ni ya yafe min,
idon Daddy ya ciko da kwallar tausayi domin yana auno shine mahaifinshi ya mutu yana fushi dashi,
rungumeshi yayi yace
"nasan ya yafe maka Hafeez kai dai ka dage mishi da addu'a da sadaka su kadai zasu nuna zallar soyayyarka a gareshi....

limamin da ya jagoranci sallar gawar ne yayi addu'oi hade da nasihohi, sannan duk suka juya suka bar makabartar suna masu yi ma mamacin fatan dacewa......

CYPRUS

Tsaye yake jikin wagegen bud'ad'd'en windon dakinshi,
iska na kada labulen windon yana taba gefen fuskarshi,
hannunshi rike da daya daga cikin zanen, ya kura mishi jajayen idanuwanshi,
zuciyarshi a karye take a wannan lokacin, wayarshi ya dauko ya sake kiran Musaddiq,
wannan karan ma bai daga ba,

wurgi yayi da wayar hade da dafe kanshi yana mai jin radadi a cikin zuciyarshi,
komawa gado yayi ya kwanta ruf da ciki,
shi kanshi a yawancin lokuta yana mamakin yadda Nadeeyah ke makale a cikin dukkan kewayen zuciyarshi,
tun baisan kalmar So ba yake jinta a ranshi,
tun ganin da yayi mata lokacin da ita kanta bata san kanta ba,
yana mamakin da a kullum bashi da zanen da ya wuce nata,
kullum kara auno fuskarta yake da yanayin girmanta,

gyara kwanciya yayi yanata juye juye,
a kunnenshi akayi kiran sallar asuba,
mikewa yayi jiki ba kwari yayi alwala ya fito dan zuwa masallaci,

Anty Reemah da Papa ya hango zaune a parlon kasa sunyi jugum jugum cike da damuwa,
da sauri ya sakko daga sama har yana bige kafarshi a matakalar karshe,
baibi takai ba ya karasa gurinsu,
Mum, Papa, "meya faru na ganku haka? Ya tambaya yana mai tsugunawa kusa da mahaifiyarshi,
uhhmm Anty Reemah tace, sannan ta cigaba da cewa, "mijin Mama Suwaiba ne ya rasu cikin dare,
yanzu Raliya ta kirani ta fadamin,
"innalillahi wa inna ilaihir rajiun, kalmar da Hilal keta maimatawa kenan a cikin zuciyarshi, tunanin shi ya tafi gun sanin halin da Nadeeyah take ciki,
zungurinshi Anty Reemah tayi tace "bakaji an tada Sallah bane,
mikewa yayi a firgice ya bi bayan Papa da yake kokarin fita daga kofar palon.....


Kuka sosai Badar takeyi hannunta rike da kanta tana shashsheka,

saboda tsabar kuncin da take ciki bata san gari har ya waye ba,
rana ce ta kyallaro ta jikin dan tsagin labulen ta kashe mata ido,
a daidai lokacin ta mike da niyyar wucewa daki tayi tozali da madubin parlon,
wani irin kamanni ta gani a tattare da ita mai wuyar fassaruwa,

fuskar nan tayi jawur hancin yayi suntum saboda kukan da tasha,

wani kukan ta sake fashewa dashi hade da rugawa cikin daki,

cikin kunan rai ta fada bayi ta kunna pampo tana watsa ruwa a fuskarta tana magana cikin kuka,

"Nadeeyah bazan taba kyaleki ba, kamar yadda kikayi min ruining wannan ranar sai nayi ruining life dinki gaba dayanta,
bazan taba iya tuna rabon da na zubda hawaye ba,
amma yau na zubar sanadiyar ki, 
na tsaneki, na tsaneki Nadeeyah!! ta karashe hade da kifa kanta jikin bangon bayin........

Mrs tijjani shattima.....
[04/12 09:49] Meela Adeel: ZUMUNCINMU A YAU
By Aysha Ya'u Kurah
1⃣6⃣


A yau ne malam Adamu ya cika kwana bakwai da mutuwa,

in kaga Nadeeyah da mamanta a wannan lokacin sai ka matukar tausaya musu,
duk da irin wadatar abincin da suke samu baisa su walwala ba bare har su kai ga cinshi cikin jin dadi,

A cikin kwanakin Mummy tayi bajinta matuka, ta manta duk wani girman kai nata,
sai ma tsananin tausayin yar uwarta,

A wannan lokacin ne Daddy da Musaddiq da duk wasu makusantansu suka san lallai jini daya ya wuce wasa,

yaran mummy ma sunyi bajinta matuka daga su har mazajensu, sam mummy bata ba kowa kofar da zaiyi complain ba..

A cikin kwanakin kullum ta koma gida a tsorace take,
Jikinta na bata kamar  zata iya rasa wani makusancinta lokaci daya, ( Nidai nace Allah yasa wannan canjin ya daure)..

Bayan an watse adduar bakwai kowa na shirin tafiya gida,
mummy ce ta shigo daki ta zauna gefen gadon da mama suwaiba take,

cikin Nasiha tace "suwaiba ki kwantar da Hankalinki,
kiyi tawakkali,
Allah ya fiki san Adamu, kuma ya karbi abinshi,
dan Allah kar kiyi abin da zai sa ya'yanki su cutu, domin yanzu ke kadai kika rage musu,
dan Allah suwaiba ki rage tunani,
ga kayan abinci nan na hadesu guri daya, na bawa Nadeeyah mukullin,

gyada kai mamma tayi idon nan yayi ciki ciki, tace "Mun gode mummy Allah ya bada lada,
Allah ya biyaku da gidan aljann----- bata karashe ba kuka mai karfi ya kwace mata,
Hakuri su mummy da sauran matan dakin suka shiga bata suna tayata sharar kwalla,

nan fa kuka ya rikide ya zama tari mai karfi,

tun tana tarin da sauran karfinta har takai ga ta fara tarin jini,

a gigice mummy ta fito tana kiran sunan Hafeez..

Hafeez na kofar gida yana sallamar baki shi da musaddiq suka jiyo ihun mummy,
suka ruga cikin gidan a guje,

a rude mummy tace "maza ka fito da mota Hafeezu mu tafi asibiti Suwaiba Aman jini takeyi,

fito da ido waje Hafeez yayi cikin firgici yace "aman jini?
eh mummy ta fadi tana turashi cikin dakin,

Daukota yayi cakk ya fito da ita waje yana fadin dan Allah mamma kiyi hakuri,
karki tafi ki barmu,
gurin motarshi ya nufa da ita musaddiq ya bude baya aka shimfideta,

gefe Nadeeyah ta shiga idon nan a kafe babu ko digon hawaye,

zafin da kirjinta yakeyi ba mai kwatantuwa bane a wannan lokacin,

motar Hafeez yaja da karfi suka nufi Asibiti mafi kusa.

Da isarsu Hafeez ya sauka ko key bai cire ba ya fara kiran nurses,
gadon emergency aka gunguro aka shimfideta a kai,

gungurashi ciki suka fara yi da sauri sauri,
da kyar kalmar salati ke fita a bakin mamma,
babu wani sauran karfi a tattare da ita,
komai nata ya riga ya gama sakewa,
da karfi ta cakumo hannun Nadeeyah wacce take tayata salati ta hada da na Hafeez,
idanuwan nan nata dakyar take iya budesu,

"Ka rike min su Amana Hafeez,
dan Allah ka rikesu, nasani kai me rauni ne Hafizu,
abu kadan ke juya kwakwalwarka,
na rokeka kar ka barsu suyi kukan rashin mu,
na yafe maka, kuma mahaifinka ma ya yafe maka,
ta juyo da kallanta gurin Nadeeyah da idonta ya kada sosai tace "Nasani Zainab nada nagartacciyar uwa,
basai nace komai ba!
Allah ya albarkaci rayuwarki,
kiyi Hakuri da rayuwa Nadeeyah,
ina matukar alfahari dake tun daga haihuwarki har kawo yau,
Allah ya cigaba da taimakonki a duk halin da kika tsinci kanki,
hannu Nadeeya tasa ta rufe mata baki tace "mamma babu abin da zai sameki in shaa Allah..

Dakin emergency aka shiga da ita aka ce su jira a nan likita zai shiga ya duba ta,

kuka sosai Hafeez da Musaddiq keyi, Nadeeyah ce kadai tayi karfin halin yin addu'a,
minti talatin da shigar doctor su mummy suka shigo,
kafin su karaso doctor ya fito fuskar nan cike da damuwa,

Kallon Hafeez yayi nan take zuciyarshi ta karye yace "am sorry, she is no more!!
zuciyarta ta kai awa daya da yin collapse,
yanzu ta daina aiki kwata kwata..

wani irin ihu Mummy ta saka wanda ya razanar da daukacin mutanen asibitin...


Juyayi kwakwalwar Nadeeya ta shiga yi,
a can cikin kanta take jin kalmar "she is no more,
baya ta fara ja tana ganin mutane biyu biyu,
kukansu sai juya kwakwalwarta yakeyi,
batayi aune ba sai jinta tayi jikinta ya saki bata da wani sauran karfin da jikinta zai dauketa,
sulalewa tayi saura kadan ta kai kasa,

Cikin zafin nama ya karaso gurin ya riketa,
babu wanda hankalinshi yake kanta,
kowa kuka yakeyi babu kakkautawa,

suma shigowarsu gurin kenan don daga airport asibitin suka wuto saboda Raliya ta fada musu halin da ake ciki..

Sunan Doctor HILAL ya fara kira da karfi hade da dagata ya rike a jikinshi, nan take hankalin masu kukan ya dawo kansu,

wani daki aka shigar da Nadeeyah aka kwantar da ita a kan gado,
hannunta Hilal ya rike yana murzashi da karfi yana kiran sunanta,

koda doctor ya shigo Hilal na zaune a gefen gadon yanata bubbuga hannun,
magana doctor yayi mishi yace ya tashi ya dubata,
mikewa Hilal yayi ya koma kusa da su Papa ya harde hannunshi hade da jingine kanshi a bango,

zuciyarshi ta karye matuka,
da ya iya yi ma damuwa kuka da irin kukan da zaiyi ba mai misaltuwa bane,
sai dai shi sam kuka baya daga cikin jerin abinda ya dauka me yaye damuwa,
dan in yaga mutum na kuka har mamaki abun yake bashi.

Minti kalilan doctor yayi a kan Nadeeyah ya fita bayan ya sanar musu shock ne yasa ta faduwa, amma in shaa Allah nan da awa daya zuwa biyu zata farka...

Dakin gawar suka koma, kuka ya dawo musu sabo,

   Zuwan Daddy ne ya sanyasu cikin hankalinsu da nasihar da yayi musu, sannan yasa aka dauki gawar a ambulance suka wuce dan yi mata sutura....

( *ALLAHU AKBAAR*    Haka rayuwar ta gada, mutuwa na daya daga cikin abubuwan da muka debo na daga rayuwarmu,
akwai masu rasa biyar lokaci daya, kuma badan Allah baya sansu bane, sai dai dan musan mutuwa ta zama dole,
dukkanmu zamu dandanata komin daren dadewa,
Allah ya kara mana hakurin rashin da mukayi dukkaninmu,
kuma yasa mu cika da kyau da imani) Ameen ya Allah



Mrs Tijjani shattima...
[04/12 09:50] Meela Adeel: ZUMUNCINMU A YAU
By Aysha Ya'u Kurah
1⃣7⃣




Ba gidan mutuwar ba, har unguwar su Nadeeyah sai da ta sake hargitsewa da koke koke,
duk rashin imanin mutum sai ya zubar da hawaye saboda tausayin rai... ana sauke gawar, kofar gidan ya sake dinkewa da mutane..

A sanyaye Zainab ta shigo gidan,
dama dakyar taje islamiyya a ranar, Hafeezu da kanshi ya kaita saboda tirjiyar da tayi, sai da ya sai mata sweets sanan ta yarda suka tafi..

mummy ta tarar a zaune tana kuka kamar ranta zai fita,
duk sauran yaran na kanta suma suna sharar kwalla,
dakin mamma tazo shiga da sauri,
bin bayanta Husna tayi dan ta hana ta shiga,
kafin Husna ta karasa zainab ta isa cikin dakin,
kwance ta samu Mamma a rufe cikin likkafani,

a gigice ta karasa jikinta,
girgizata ta shiga yi tana fadin Mamma me ya sameki?
meyasa naga suna ta kuka a waje,
duk da karancin shekarunta tasan menene mutuwa domin tun rasuwar mahaifinta tasan mecece kalmar, kuma ta fahimci in mutum ya mutu to fa bazai dawo ba,
kuma taga yadda akayi wa babanta haka akama mamanta, domin kafin a
fitar da gawarshi saida aka kaita kanshi,

wani irin kuka ta saki hade dayin wurgi da sweets din da Hafeez ya sai mata bata sha su a makaranta ba,

Mamma ki tashi, dan Allah ki tashi, wallahi bazamu sake barinki kiyi kuka ba,
ga yaya Hafeez ma zance kar ya sake tafiya ya barmu,
dan Allah ki tashi,
hannun wacce tayi mata wanka ta kamo tace "dan Allah ki tasheta, kice tayi hakuri karta tafi yanda Baba ya tafi, wallahi muna santa ni da Anty Nadeeyah,
kowa baya santa, tasani mu kadai ne muke santa,
rungumeta Husnah tayi hawaye na bin idanuwanta, ta dauketa ta fitar da ita a dakin dakyar,,
babu wanda bai zubda hawaye a gidan ba..

Bayan an gama shiryata kowa yayi mata addu'ar samun dacewa da rahama..

Baffa na zaune a kofar gida, idon nan nashi kamar gauta,
jikinshi babu inda baya rawa,
dakyar aka dagashi ya shiga dan yiwa diyarshi addu'a,
ki yafe min suwaiba,
ki yafe min,
ubangiji Allah yayi ma abin da kika bari albarka,
na cutar dake matuka,
tun kuruciyarki har kawo yau,

kuka sosai yakeyi kamar karamin yaro,

tabbas mutuwa tayi mishi gaggawa,
ina hankalinshi yake lokacin da yake azabtar da marainiyar Allah,
babu abin da yasani nata tun tasowarta,
bashi da masaniyar damuwarta,
duk rashi irin nata bata taba gajiyawa gurin kyautata musu shi da matarshi ba,
wani irin kunci yakeji a cikin ranshi da ya tuno bai taba barinta ta samu abinda take so ba,
kallon gefenshi yayi ya hango Daddy tsaye shima hawayen ne ke zubar mishi babu kakkautawa,
dukkansu biyun abubuwa masu zafi suke tunowa da faruwarsu shekaru da dama da suka shude,
share hawaye Daddy yayi ya fita daga dakin zuciyarshi a karye...

************

****Kalli sararin samaniya ki fada min abun da kika gani,
sauke idonta tayi bayan ta kalla, tace "Naga abubuwa da yawa, wasu taurari masu kayatar da duhun daren samaniya,
saidai Mamma, ga wani tauraro can, yafi kowanne haske,
ga kuma wasu masu haskawa biyu a kewaye dashi,
sannan ga wasu can sun disashe su biyu ba'a ko iya hangosu,

murmushi Mamma tayi ta dafa Nadeeyah tace "Tauraron da yafi ko wanne haske 'Kece Nadeeyah',
sannan biyun dake kewaye dake bani da masaniyarsu,
amma tabbas alkhairai ne masu karfi da yalwa a kewaye dake,

sannan sai biyun da suka disashe----- sai tayi shuru tana kara kallon sama,
tace "bar batun biyun nan Nadeeyah Allah kadai ya barwa kanshi sani,

saidai a gefen tauraronki baki hangen wani wanda yake turo kai karfi da yaji yana san doke hasken naki,

da sauri Nadeeyah ta kalli sama,
a firgice ta maida kanta kasa tace "waiii Mamma wannan hasken mai cutarwa ne,
bazan iya jurar kallanshi ba..

Jajircewa zakiyi Nadeeyah,
daurewa zakiyi ki fuskance shi domin bashi kadai bane,
hango wani yana fasowa a dayan gefen, duk sun kewaye taurarin dake kewaye dake da haskensu,
waigawa tayi cike da zumudi da murnar jin maganar mahaifinta,
Baba dama baka mutu ba?
kaga yadda kayi kyau kuwa,

hannuwanta ya kama yace "Tafiya ce ta kamani ta gaggawa,
kinga mahaifiyarki bata iya jure zaman, ta biyoni,
saidai dawowar mu ba mai yiwuwa bace, domin tafiyar ta din din ce,
lokacin da zakiyi wannan tafiyar baiyi ba,
yanzu lokaci ne na hakuri da jajircewa,
in kina son nasara sai kin jure,
in kina san zuciyarki tayi haske sai kinyi hakuri,

"Amma fa ba hakurin da zai cutar dake ba, cewar mamma tana murmushi tana shigewa jikin mijinta,
akwai hakuri me cutarwa ne Suwaiba,
murmushi tayi tace "akwai mana,
hakurin da kana ji kana gani a taka ka a wuce,
wannan hakurin ka iya fasa zuciya,
manzon Allah s.a.w yace "in bazaka iya hakurin abun da akayi maka ba ka rama daidai yadda akayi maka,,
"kwarai haka yake, Baba ya fadi sannan ya cigaba cewa
"ke din me nasara ce, zaki daukaka fiye da tunanin mai tunani, saidai kinsan dukkan ma'abocin daukaka yana tare da kalubale,
amma ki sani kuma kisa a ranki, a ko yaushe Allah swt yana tare dake,

karki yada Addu'a domin ita din garkuwa ce ga mu'imini...

lokacin tafiyarmu yayi,
ki kula da dukkan rayuwarki da ta yar uwarki,
sannan kiyi hakuri da dan uwanki, domin shi din mai rauni ne,
Nadeeyah tayi saurin cewa "zan biku Mamma, murmushi mai sanyin kyau sukayi mata,
suka hade baki cikin murya me kamar amsa kuwwa, sukace
"wannan tafiyar ta musamman ce, lokacin yinta a gareki baiyi ba Nadeeyah,

Tafiya suka fara yi Nadeeyah na binsu tana kuka tana fadin karku tafi ku barni,
tun tana hangensu har haske ya kara kewaye gurin,
tsayawa tayi hade da runtse ido tana kiran sunayensu hade da shashshekar kuka...

Hannun da taji kan kuncinta mai sanyin kamshi ne ya soma farkar da ita,
a hankali ta bude idonta ta saukesu kan Hinad da itama kukan takeyi..

"Sorry Nadeeyah,
kiyita karanta innalillahi wa inna ilaihir rajiun,
i know it hurts but bamu da yadda zamuyi,
addu'a itace tafi dacewa dasu a wannan lokacin,
Allahn da ya halicce su ya fimu sansu.. 

kawar da kai Nadeeyah tayi tana tunano hirarsu ta cikin mafarkinta,

"kunyi tafiya mai nisa Mamma,
tafiya mai dadi a gareku in shaa Allah,
sannan mai radadi a garemu,
hawayen idonta bai bar ambaliya ba ta cigaba da maganar zucin da takeyi, yanzu yaya rayuwarmu zata kasance,
shikenan bamu da wani sauran gata...

"Gatan kowa Allah ne Kanwata,
babu wani gata mai daraja, dadi, da dadadawa irin na ubangiji,
in Allah ya baiwa bawa gata, to babu wanda ya isa ya tauye ko ya kwace mishi,
mika lamarinki gurin ubangiji, kuma kiyi tawakkali kisan shi ne kadai maiyi...

saida ya kai aya Nadeeyah ta dago ta kalli gefen da yake,
tabbas zancen da takeyi a zuci ne ya fito har ya iske kunnuwanshi,
shi din ma tsaye yake idon nan nashi yayi jawur kamar gauta,
wani hawayen ya share sannan ya karaso jikin gadon da take,
zama yayi gefenta yace "ya jikin naki, runtse ido tayi ta amsa da sauki,
Allah ya baki lafiya da hakuri hade da juriya,
"Ameen yaya Musaddiq,  Hinad fadi tana share mata sauran hawayen dake gefen kunnenta..

Ina Zainab take yaya Musaddiq?
Kafin Musaddiq yayi magana sukaji an murda kofar,
Hafeezu ne ya fara shigowa sai su Anty Reemah,
Hilal ne karshen shigowa shi da zainab, hannunta rike da ledojin kayan kwalama,
fuskar nan tata tayi jawur,
tana ganin Nadeeyah ta saki ledar ta karasa ta fada jikinta tana kuka,

mikewa Nadeeyah tayi a hankali sannan ta janye daga kusa da  musaddiq, ta dago kan zainab tace "menene, me aka miki?
Anti Nadeeyah mamma ma ta mutu, ta tafi gurin baba,
sun dauketa sun fita da ita,
shikenan bazamu sake ganinta ba,
dariya Nadeeyah tayi tace "inji wa yace miki,
mamma bata mutu ba,
kinsan tace miki zata je Agadaz rannan ko?
Eh zainab tace tana me kallon Nadeeyah,
to can ta tafi, kina gani sun shiryata ta hau jirgi tana jin dadinta ke kuma kina nan kina kuka,
oya share hawayenki ki ji abin da mamma tace in fada miki dazu kafin ta tafi,
da sauri ta share hawayenta ta matso da kunnenta kusa da bakin Nadeeyah, rada tayi mata a kunne wanda Allah kadai yasan me tace mata, sai ko Zainab ta kyalkyace da dariya hade da rungume Nadeeyah, tace "dagaske kikeyi Anti? 
Gyada kai Nadeeya tayi tace "eh,
hawayen da ta boye ne ya fara bin idanuwanta, ta kankame zainab tana zubar dasu ba tare da ta bari ta gansu ba, wayyo mutuwa.....!

@
Mrs Tijjani Shattima....!

[07/03 6:31 AM] fareedah: ●ZUMUNCINMU A YAU● 1⃣9⃣
By Aysha Ya'u Kurah




Had'a kayayyakinsu cikin jaka Nadeeyah keyi, idanuwan nan nata sai ambaliyar ruwa suke,

Hafeez ke tayata had'a kayan yana labarta mata abubuwan da suka gifta tsakaninshi da iyayensu a yan watannin da suka shude,
jan numfashi yayi kamar karamin yaro,
daga zuciya har idaniyar shi zubar ruwan hawaye sukeyi,

"yan kudaden da suka fara shigowa hannuna su suka ruda ni,
na canza abokai,
kullum bani wancan club bani wancan,
ban tsaya nan ba har sai da na koma harkar mata,
tun ina boyewa, su Baba basu sani ba har takai ga mata har gida suke biyoni,
bazan taba manta daren da zan bar gida ba,
Baba ya fito zai tafi Sallar asuba ya jiyo muryata da SAILUBA yar gidan Hinde mai tuwo,
ranar a daki na ta kwana, Koda Baba ya bude kofar, Sailuba na kwance a jikina,
duk yadda na kai ga tureta in suturta jikina ta kafe ta danneni, na kasa tabuka komai,
saida Baba ya juya, nayi karfin halin turata na mike nasa jallabiya nabi bayanshi,
Kuka na tarar dashi yana yi a tsakar gida,
a tare muka iso inda yake ni da Mamma,
ajiye butar hannunta tayi ta fara tambayarshi dalilin zubar hawayenshi,
bai kai ga yin magana ba Sailuba ta fito da daurin kirji da kayanta a hannu tana sawa tana fadin
"Zo ka sallameni Hafeezu in tafi kar a nemeni a gida,
wani irin juwa Mamma ta ji a tsakiyar kanta, bakinta da kyar yake iya furta innalillahi wa inna ilaihir rajiun, daki Baba ya jata ba tare da ya dubi inda na ke ba,
koda na biyosu ciki da sauri Baba ya dakatar dani yace
"fitar min a daki da kazantar dake jikinka,
tafi kaje ka sallameta,
ka wadata ta da duk wani nau'i na jin dadi tunda kaima ta jiyar da kai dadin,
ubangiji Allah ya shiryar dakai Ameen,
Har na iso kofar dakina ina jiyo sautin kukan mamma, Baba yana ta bata hakuri..

Da kudin da ni kaina bansan yawansu ba na sallami Sailuba,
sai na wuce nayi wanka nayi sallah,
shaidan ya dinga raya min in bar gidanmu in tafi can inda babu wanda yasanni, tunda ina da kudina inje in ci karena babu babbaka,
a haka nabi umurnin zuciyata na shirya kayana tsaff na sasu a mota,

Zainab na gani a kofar shagon Tasi, na bata dubu biyar ta kaiwa Mamma, nace ta fada musu nayi tafiya,
tun kafin ta shiga gidan na shige mota nayi gaba,
a tunanina duniyata zatayi kyau tunda babu mai samin ido,
ashe tafiyar da zata kashemin zuciya ta barni da dana sani har karshen rayuwata nayi... ya karashe maganar cikin matsanancin kuka...


Takalman Zainab Nadeeyah ta tura cikin ledar dake hannunta, wacce tun fara bata labarin ta budeta da niyyar zuba takalman,
ledar ta jike sharkaff saboda hawayen da ke sauka a kanta,

kallon Hafeez tayi tace "Yaya Allah yayi mana jarabawa mai zafin gaske,
rayuwa ce yanzu zamu fara ta wacce bamu san inda zata kaimu ba,
ka godewa Allah da yasa suka yafe maka, sannan kaji tsoron Allah,
ka nisanci duk wani aikin alfasha, kasani duk abinda zakayi yanzu za'a tada su Mamma ace su tashi suga dansu, shin irin wannan tarbiyar suka baka,
kasani yanzu babu wani wanda zai fada maka gaskiya,
rayuwa ce zakayi ta ta rashin mafadi,
kai da kanka zaka zama mafad'in kanka,
ni da zainab kuma duk inda zamuje na tabbatar bazamu rasa mai kwaba mana ba, kaga mummy yanzu ta canza,
matsalata daya itace "Bad----- shigowar Hinad cikin dakin ya katseta, ta kallesu tace "Nadeeyah Mummy tace kuyi sauri,
hawaye ta share ta dauki karamar jakar, Hafeez ya dauki babbar suka fito sukayi waje,
loda kayan sukayi a motar Hafeez, sannan kowa ya shiga mota,
Hinad da Nadeeyah motar Hafeez suka shiga,
makota suka kewaye su Nadeeya anata musu fatan alkhairi,

Tasi ya leko ta windon motar, ya miko mata ledar lolli pop idonshi cike da kwalla yace "ki ajiyewa Zainab, Allah ya hadaku da alkhairi Nadeeyah,

Wani kukan ta fashe dashi na tuno memories dinsu na lokacin da dukkan iyayenta suna da rai,
da irin kara kainin da sukayi tsakanin gida da shagon Tasi,
Tasi ya bada gudunmuwa mai karfi a rayuwarsu, bai taba kazawa gurin tallafa musu da bashi da kuma kyauta ba,
kallonshi tayi yana share hawaye tace "mun gode Tasi Allah ya saka maka da gidan aljanna....




Islamiyyar su Zainab suka biya dan daukota,
motar Mahmoud suka tarar a kofar makarantar,
kafin suyi parking suka hango Musaddiq rike da hannunta sun fito daga ciki,
baya ya bude mata suka shige, Mahmoud yaja motar suka wuce,

Bayansu Hafeez yabi, zuciyarshi ta dan rage zafi da fargaba saboda yasan in shaa Allahu Musaddiq da mahaifinshi bazasu bar kannenshi cikin garari ba.....





A katafaran gidan "Alhaji Mukhtar Kyari dukka motocin sukayi parking,

Ta window Badariyya take lekensu daya bayan daya,
Husna da dawowarta daga saloon kenan ta fito daga bayi tana kallon Badariyya a jikin Window tana leke,
murmushi tayi ta zira Hijab dinta ta fito tsakar gidan tana ma mummy barka da dawowa, dan ita ba gidan rasuwar take kwana ba,
gidan Anty Raudha take bin ta su kwana,
yau ne kadai bata je gidan rasuwar ba taje saloon dan wanke kanta,

Anty Radiya da Anty Raudha suka kalleta cike da shakiyanci suka ce "Amarsu ta ango,
cikin rashin fahimta ta waiga bayanta taga babu kowa tace
"wacece haka? Dariya suka kwashe da ita suka ce ke mana!
Zatayi Magana Anty Reemah tace "wani irin sakarci ne wannan, ku dan matsa daga can mu wuce sai ku cigaba da shakiyancin tunda sa'arku ce Husnan,
darewa sukayi ta wuce ita da Anty Raliya, harara Raudha tabi Raliya dashi tayi tsaki tana kunkuni a ranta,
"su in an barsu mutanen kirki, Radiya tace "manta dasu dallah, taja Husna sukayi ciki,
mummy tayi kamar bata jinsu tace ma Nadeeyah su kamo kayan su shigo,

A d'arare ta dauki jakar ta fara tafiya, kama gefen jakar Hinad tayi suka karasa cikin parlon,

wani irin faduwar gaba Nadeeyah taji,
idanuwanta suka ciko da kwalla,
tuno abubuwa mabanbanta da suka faru da mahaifiyarta na rashin dadi ta dingayi,
wani lungu ta zauna inda suka saba zama da mahaifiyarta in sunzo gidan.....


Labulen windon Badariyya ta saki