You Cannot Download this book untill you login but you can read it .

---

Login Register

a ciki da wajen masallacin,
gaggauta yin sallama liman yayi,

kowa yayi kanshi saboda ganin har lokacin bai dago daga sujudi ba, kuma bai bar fitar da numfarfashi ba, 

Ko da aka dago shi ya gama fita cikin hayyacinshi,


A lokacin wanda ya taba dandanar mutuwa zai fahimci inda Abbana ya dosa,


Dagoshi nayi da karfi ina fadin ya tashi muje asibiti,

Girgiza kai ya shiga yi yana fadamin "ka barni anan Taheer, ka barni anan,
asibiti, ko
gida,
a yau basu da amfani a gareni,


Murmushi yakeyi mai dauke da kuka yana fadin Taheer kayi hakuri,
kayi hakuri abokina,
na boye maka ciwo na saboda nasan ba na tashi bane,

Naso sai ka koma makaranta zanyi tafiyar nan amma inaa lokacina yayi,
ban isa kara kwana daya ba koda kuwa ina son kara shi,



"Kukan da Taheer yakeyi a lokacin mai sautine dan bai taba fitar da wannan labarin da yayi mishi karan tsaye cikin rayuwarsa ba sai yau da a karo na biyu yake shirin rasa wacce yake tunanin dawowar farin ciki cikin rayuwarshi,


Ita din ma Nadeeyah kukan takeyi na tausaya mishi da tausayawa kanta,
domin ita ma tayi rashin dukka iyayenta,



"Ban taba kawo mishi mutuwa ba saboda ban yarda zai tafi ya barni a wannan lokacin ba,

kin saurararshi nayi muka daukeshi dan kaishi asibiti,
ina tuno sanda ya shafa fuskata muna gab da fita daga masallacin yace
"Taheer kaki yarda ko?


Dole ka yard---a d------a wann----
nan ya fara kakari har yafi karfin wadanda suka rikeshi,

ka-- kula  da--- kanka da-- da-- mahaifiyarka,

damke hannuna yayi har lokacin idonshi bai gama rufewa yana tayi min murmushin da ya saba,


"A wannan ranar ne na ga abun da ake kira damuwa karara,

a wannan bakar ranar naga kaddarar rabuwa da abin da kakeso,  a wannan daren mahaifina ya mutu tare da duk wani kuzari nawa..



Tun daga ranar na manta farin ciki da yadda akeyinshi,
babu abin da ke burgeni a duniyar nan bare har yasani farin ciki,


Rabuwa da Abbana....


ya ilahi!!
nan da nan Nadeeyah ta rikice saboda yadda yake kuka kamar ana zare ranshi,

kuka sosai yakeyi wanda bai samu damar yinshi ba ranar da ya rasa mahaifinshi,


Abubuwan da suka cunkushe mishi ya fitar yau yake kokawa a kansu,


shakuwar da yayi da mahaifinshi ta wuce ta ďa da uba,
ta zamo shakuwar jini da hanta,

a ko da yaushe ya rufe idonshi murmushinshi kadai yake gani,

bai taba karo da bacin ranshi ba sai dai farin cikin shi,



Gabanshi ta tsuguna itama kukan yaci karfinta tace

"Uncle kayi hakuri,
sau tari abubuwan da muke so basu cika kasancewa tare damu ba,

jarabawar mu kenan,
gara kai kana da wacce in ka juya zakaji dadi,

ni fa babu uwa babu uba,
babu yan uwan uba da zan kirasu nawa saidai na uwa,


ka godewa Allah domin not all are fortunate,


Duk abinda kaga Allah ya dauke maka to yana da dalilin yin hakan,
ta yiwu in ya bar mana su wata rana saboda azabar ciwo mu gwammaci tafiyarsu akan tsayuwarsu cikin ciwon da mu kanmu bamu isa mu magance musu ba,
nasan yadda kakeji domin nima ina jinshi ko ma ince fiye da naka,


Dan Allah a duk lokacin da ka tunashi ka dinga fadin *innalillahi wa inna ilaihir rajiun*
sannan kayi mishi addu'a domin yafi bukatarta a yanzu....



Wata irin nutsuwa ce ta saukar mishi wanda tun kafin rasuwar Abbanshi rabon da ya shiga irin ta,

share hawayen idonshi yayi ya dago ya kalleta,


Sai a lokacin yake tambayar kanshi dalilin dayasa har ya fada mata damuwar da ya dade yana dakonta,


Tabbas zuciyarshi ta gamsu ita ce wacce zai samu nutsuwa da ita,

kalamanta sunyi matukar sanyaya mishi zuciya,

jin zuciyarshi yake wasai kamar an sauke mishi duk wani nauyin da zuciyarshi ke dauke da shi,


Tsugunawa yayi kamar yadda tayi yace

"is ok, kukan ya isa haka,
ni nasa ki kuka,
ni kuma na daina ke kin ki dainawa, sorry kinji,
tashi ki zauna...


Mikewa tayi tace
"zan tafi class ne,

kujera ya ja mata yace
"kice wa ya saki kuka?


Ajiyar zuciya tayi mai karfi sannan ta zauna,


Ji yakeyi kamar ya rungumeta ya hanata wannan kukan da yasan irin ciwonshi,

"nace ya isa ko nima so kikeyi in cigaba,

kinsan in na fara nawa biyu zan hada,

da na rashin mahaifi da kuma rashin farin cikin rayuwata,
ya karashe fadi a raunane cikin damuwa,


Share hawayenta tayi kamar me shagwaba tace

"na daina,


"Kina sona Umm Nadeeyah?

Yadda ya jefo mata tambayar ta sanyata saurin dauke kanta daga kallonshi,

"ummm bani amsa plss,
nd "who is Musaddiq? Ya karashe yana janyo kujera...



"Yaya Musaddiq? Ta fadi tana kallonshi,

gyada kai yayi yace

"yes waye shi, meye alakarku?


"Babu komai,
he is my cousin, 
"nd husband to be, Taheer ya karashe yana kallon cikin idonta,


A razane tace

"whatt,

ba gaskiya bane,

kaga sister na wacce ta karbi hula dazu?

Gyada kai yayi alamar eh,
"to ko zaiyi aure nasan ita zai aura,

wannan hularshi ce

"ya Hilal ya bani shine ta dauka shi ya bani,

"yaya Musaddiq is very nice, bashi da matsala,
yadda ya dauki su Husnah haka ya daukeni,

cike da gamsuwa ya dan samu nutsuwa yace

"Hilal kuma ya kuke dashi?

Murmushi tayi tace
"dan yayata ne,

He is like an angel to me sir,
he wants the best for me,


Bayan yaya Musaddiq da ya nuna tausayinshi ga iyayena,


Yaya Hilal shi yake bani duk wata kulawa lokacin da na rasa iyayena,
he luks after komai nawa,
movements dina da komai,

he wants me to be an independent lady and----



katseta yayi ta hanyar cewa yayarki ce ta haifeshi,

i mean mamanku daya da mamanshi?

"No Anty Reemah yayar Husnah ce,
she is my cousin,



"Okay
kawai yace ya kauda maganar ta hanyar cewa bani amsar farko da na tambayeki,



Ya zame mata dole ta fada mishi gaskiyar yanzu babu soyayya a gabanta,


Danne tausayinshi tayi a can kasan ranta tace

"Uncle,
shhhh nt uncle,
Taheer...
ya fadi yana mata wani narkaken kallon da ya kashe duk wasu gabbai na jikinta,

Call me TAHEER,
ina son jin sunan daga bakinki plss,

marairaicewa tayi tace "no sir i can't,
sorry plss,
"zaki koya with time,

inajinki!




"Kayi hakuri in abun da fada maka yayi maka ciwo,

bance bana sonka ba,

a yanzu ba soyayya bace a gabana,
nasan in kana sona sosai kamar yadda kace zaka girmama ra'ayi na,


Dan Allah sir mu ajiye maganar soyayya yanzu,

kayi hakuri ka taimakeni in taka matakin nasara a rayuwata,

in Allah ya rubuta kai din mijina ne, babu wanda ya isa ya rabamu saidai mutuwa,

Dan Allah uncle kayi hakuri,
mu yarda duk abin da Allah ya rubuta akan mu shine alkhairi,


"Murmushi ya sakar mata mai kyau zuciyarshi ta samu nutsuwa da kalamanta,

dole ya girmama ra'ayinta yayi nesa da ita ya tayata cika burinta,


yasani kamar yadda ta fadi in har kasantuwarsu tare rubutacce ne a lauhil mahfuz, babu makawa duk inda taje dole ta dawo gareshi,


A yanzu jin kanshi yakeyi kamar sabon mutum wanda ya yarda da duk abin da ya faru dashi kaddararshi ce tazo da haka,


"Na amince da bukatarki,
zan kuma girmama ra'ayinki saboda karatu nada matukar muhimmaci a rayuwar mace,
musamman marainiya irinki, naci burin aurenki a cikin kwanakin nan,
nasan inada karfin kaiki bangon duniya kiyi karatu in har anayi,

to nima inaso ki samu abin da kike so,

lokacin da kika mallaki hankalin kanki you decide who u want to settle with,
i pray to Allah nine wanda zuciyarki zata amince dashi a lokacin,


Zan kauracewa ganinki har kiyi achieving goals dinki,
saboda ganinki zai dinga hanani sukuni har in kasa tayaki cika burinki,



Wani zobe ya fito dashi a jakarshi ya mika mata yace
"Aure nufi ne na Allah,
in Allah yayi ni mijinki ne kamar yadda zanyi addu'a ba dare ba rana to babu makawa sai na aureki,


ki rike wannan zoben a matsayin kariya daga gareni,

"Take care of yourself please,
u will always be my omri..



Hawayen da ke makale a idonta ne ya sauko ta kasa dauke idonta akanshi,
hannu yasa a lallausan kuncinta ya share mata hawayen yace

"bana son kuka Omri na,
karki dinga kuka kinji,
duk abin da zai dameki ki tuno *Taheer Haroun Yallo* yana tare dake kuma baya san ganin damuwarki,


Mikewa tayi da sauri ta fita daga office din,

bayan office din ta zauna ta dinga zubar da hawayen tausayin Taheer,

shine mutumin da ya fara furta so a gareta,

badan santa da karatu ba da babu abinda zai hanata amince mishi,


zoben ta kalla ta kankameshi a kirjinta kamar zata maidashi cikinta....



A bangaren Taheer kuma daurewa yayi sosai ya iya yi mata wadannan alkawuran,

ya sani sarai rashin ganin Nadeeyah babban masifa ce a rayuwarshi,

ya zaiyi yana sonta dole yaso farin cikinta,


Waya ya dauka ya kira *Captain Mus'ab* bayan sun gaisa yake ce mishi yasa a shirya mishi visa,
nan da 5days yake son komawa Canada,

"Har zaman nigeria ya isheka kenan *Mus'ab* ya fadi yana dariya,

"Yes uncle Mus'ab, zan koma Phd,

"to makarantar fa?
wa zaka barwa ita,


"Momma na nan,
ya fadi a kasalance yana jajantawa kanshi,



"Jiya Amal ke ce min project dinsu,
Yanzu haka zaka bar mana yara ka tafi,

kaga "Aman baya wani kokari yanzu,
Allah science yafi karfinshi yanzu, yasa wasa,
har Amal ta fishi kokari,



Dariya Taheer yayi yace "karka ma hadasu,

shi da yake science flexibilityn ma ba daya bane,

Amal dake Art wasan yara kawai suke yi,


Dariya Captain Mus'ab yayi yace
"naji wannan nidai kasa a sake samin ido akanshi,
sannan kazo office anjima sai muje in sa a fara shirya maka visa,

yar Hira suka taba sannan sukayi sallama.... 



Tattara takardunshi masu muhimmaci yayi yasa cikin wata jaka,
yana gamawa ya fito da jakar yasa a mota,


Yana hango Amal da Aman daga nesa suna fada akan kudin break, Haifa na tsakiya tana rabasu,

Abin da kullum sai sunyi ne,
shiyasa ma bai bi takai ba ya shiga motarshi,



Ta mudubin gefenshi ya hangota tana lekenshi tana kuka,

nan shima zuciyarshi ta karye sosai,

tada motar yayi da sauri ya bar gurin dan kar ya kasa jure ganin kukanta ya saba alkawarinshi tun kafin aje ko ina.....



Mrs Tijjani Shattimah.......
[27/03 8:42 PM] Aysha Ya'u Kura: •• *ZUMUNCINMU A YAU* •• 4⃣6⃣
By *Aysha Ya'u kurah*




Ajiye motarshi yayi a gurin da aka tanada dan ajiyar motoci,
saida ya kusan minti biyar yana tattara duk wasu abubuwa masu muhimmanci a cikin motar, sannan ya fito ya rufe hade da mikawa wani yaron gidan mai musu hidima kayan ya wuce ciki, jikinshi sam babu kuzari da walwala,


Kauracewa abinda kake so dan farin cikinsa,
ba karamin jarumta bane wanda samun masu yinsa sai an tona....




Koda ya shiga bayi domin watsa ruwa kasa tabuka komai yayi,
yana tsaye a tsakiyar shower ruwa na ratsa dukkan sassan jikinshi,
a maimakon yaji sanyin ruwan a zuciyarshi sai yaji wani irin zafin da ke kona duk wata kwayar halitta da aka halicceta domin soyayya a cikin ma'adanar ta,
alwala ya dauro ya fito jikinshi sam ba karfi,


karfe goma da rabi lokacin,
brown jallabiya yasaka ya shimfida sallaya dan yin sallahr walaha (Duha)..


Yafi minti talatin yana kai kukansa gurin rabbil izzati akan ya mallaka mishi Nadeeyah kuma ya sanyata farin ciki har karshen rayuwarta,



"Tee lafiya ka dawo gida?, Momma da ta shigo dakin bayan ta fita taga motarshi a parke ta fadi hade da zama a kujerar dake fuskantarshi,

Shafa addu'a yayi yace "Lafiya lau momma,
dama yanzu nake shirin zuwa gurinki,

Mikewa yayi ya nade daddumar ya dawo kusa da ita ya zauna,


"Ina son komawa school Momma, munyi magana da Uncle Mus'ab nace su shirya min visa,
ina son yin phd dina tun yanzu Momma,
rike makaranta irin legacy sai da Phd, daga nan ma sai in kara gaba in shaa Allahu,
ina son mu samu rassar makarantar a ko ina a cikin Nigeria,

kinga dole in gogu cikin il---

"Ba gaskiya bane Taheer ta katseshi cikin sauri dan kar yayi zurfi cikin karyarsa,

"Kalleni Tee,
ni na haifeka,
na raineka har kawo wannan lokacin,
a kan murmushin fuskarka ina iya hangen damuwarka,

"jiya ka gama cemin ka samu yarinyar da kake so da aure,
yau kuma sai kazo min da zancen tafiya har Canada kuma ba wai kwana daya ba har shekaru,
sannan kake tunanin in yarda baka da damuwa,

"Fada min matsalarka maza maza,
ka sani babu abin da yake cikin duniyar nan wanda bazan iya magance maka shi ba,
koma me kake so ka fada min yanzun nan kaga aiki da cikawa,


Hannunta ya rike a hankali yace "nasan zaki iya magance min komai Momma,
amma ban da soyayyar Nadeeyah,
bana son in a matsa mata ta zauna dani,
nafi son ta zauna dani domin kanta,
nafi son ta soni da kanta ba tare da an tursasata ba,
nasan Allah swt zai kawo mana wannan ranar,

Addu'a kawai zamu cigaba dayi,
in shaa Allah zamu dace,

Zan tafi ne dan in bata damar yin karatunta cikin kwanciyar hankali,
in shaa Allahu lokacin da ta kammala karatunta nasan zata karbi bukatata,


"Jiranta zakayi Taheer?


Yadda tayi maganar cikin damuwa yasashi jin wani iri a jikinshi,
yayi karfin halin cewa

"kamar yau ne Momma,
kuma kinga karatu zan tafi nima,

lokaci gudu yakeyi,
sai kiga kamar yau ne ta kammala,



Shafa fuskarshi tayi tace
"lokaci sakarai ne Taheer, wucewa yakeyi da abin da muke so,
amma tunda ka bukaci haka kuma kana ganin itace wacce zuciyarka ta gamsu da ita shikenan,

zan tayaka addu'ar samunta indai alkhairi ce a garemu,

Sannan visar biyu za'ayi,
me zan zauna inyi babu jigon gidana,

murmushi yayi yace "nine gidan ma gaba daya,

"ofcourse,
yaushe zan zauna ni kadai a gida,
ai sai zuciyata ta buga,
School kuma zan barshi gurin Kamal da  Mr Kabeer,
nasan zasu cigaba da rike mana Amana,


cike da gamsuwa yace kwarai kuwa,
ai ko yanzu ma su suke wasu abubuwan,
zan koma school din anjima daga can sai in wuce office din *Captain Mus'ab*.......






Dariya Hilal yayi ya kalli Baffa yace
"me zan zana anan?,
saidai in a rushe filin gidan kaf in zana full house a fara aiki malam,
nan me za'a gina? Akurki!



"Daidai ruwa daidai tsaki,
Baffa ya fadi yana dariya hade da cewa nan din nakeso ka zana musu,
kaga masu ginin suna son fara aiki,



kallon Hafeez yayi yace "zo kayi mishi bayani dan Allah,
  naga kamar akwai rikicin tsufa akanshi,


Dariya Hafeez da Jamal sukayi Hafeez yace
"wannan kawai fa za'a danyi yabe ne Baffa,
abun da bai wuce koni in nuna musu ba,
har sai an zana a takarda,


kaga Zaharadden je ku gama kwaso sauran kayan,
kuma kunsan yadda zakuyi,
ciki da parlo zaku fitar ku dan yayyaba, tsofaffi ne,
suyi maneji,



"Gidanku Hafeez,
su tsofaffi basu san abu me kyau ba,
muma munsan mai kyau dan haka sai an zana min,


"Muntari tun muna mu biyu kaje ka fara zanen nan,


"wai Baffa wa ma yace maka ina zane,
to ni abu biyu kawai na iya zanawa a rayuwata,

*full house*

nd

*complete face that only me can relate* ..


kusa da maginin yaje yana dariya yace "zaku iya fitar da 2 bedroom ko,
gyada kai Zaraddeen alamar eh,

"Yauwa to sai kayi 2 toilets,
karka matse su komai kayi shi enough saboda tsofaffine kamar yadda kaji yayana ya fada,


Juyawa gurin Baffa yayi yace "shikenan kiran ko?


"Shikenan tunda bazaka zana ba, ina son ginin zamani amma hali bazai sa in samu ba,
bakomai, ya fadi da fuskar tausayi,


Gaba daya gurin suka dauki dariya harda maginan,

Duk wannan hidimar da akeyi Goggo bata nan,
babu wanda yasan inda ta tafi,

Wayar Hilal ce ta soma kara alamar kira na shigowa yayi saurin cewa Baffa sai anjima ginin sai yafi na zamani kyau,
hannu ya dagawa su Jamal yana Murmushi sannan ya fita,


A lokacin wayar ta katse,
saida ya shiga cikin mota ya kira...



Assalamu alaikum,

Hilal ya fadi cikin girmamawa,

daga daya bangaren aka amsa mishi sallama hade da fara magana cikin harcen turanci,



"Hilal...
Sheik yana yabawa kokarin ka,
sannan yana kara yi maka godiya,
domin kuwa a halin yanzu babu construction building companyn da yakai namu a cikin gari da wajen Turkey,
muna godiya sosai,


Sannan akwai wani business da zamuyi dakai, 
akwai wasu estates guda hudu da zamu gina,

each ana son 400 building, 
different houses guda hudu a each estate,


"Dat means in each estate ana son 100 houses iri daya har 400 ko?



Exactly my boy...
mutumin ya fadi yana murmushin hakanshi ya kusa cimma ruwa,

ya cigaba da cewa dat will make it 16 different houses, kuma duplex sukeso,
yanzu maganar kudi nakeso muyi dakai,
yadda oga yake yaba ayyukanka nake son muyi deal da kai,
bari in baka ďan oga kuyi magana,
shi ya kawo business din,

gyara zama Hilal yayi yana sauraronsu,



"Hey xup, sunana
*Irfan Ateek Deen*

kamar yadda manager yayi maka bayani ni na samo business din,
to yanzu so mukeyi ka rubuto adadin kudin da za'a biya ka,
ni zan fada maka yadda zaka rubuta da adadin kudin,
bayan payment sai ka cire actual price din da ake biyanka,
ka bani sauran,
karka damu da yawan amount din da zan fada maka,

i'm very sure Dad will never refuse u,
saboda ur hand work mks him loose control,
baya iya rike farin ciki lokacin da yaji ana yaba irin aikinshi,
so pls wannan aikim taimakon juna ne,

*DAD*

Hilal ya maimaita a zuciyarshi, katse mishi guntun tunanin da ya fara Irfan yayi yace

"ka fahimceni,

"yes na fahimta, karku damu,


Yanzu bana nan but zan dawo on wed or Thursday daga na dawo zanzo sai mu kara tattaunawa,


"Yessssssss Irfan yace  zuciyarshi wasai dan ya hango irin kudin da zai samu,

sam mahaifinshi bai bashi kudi saboda halayyarshi na yaran masu kudi na shaye shaye,
zinace zinace, da mugun yawo,


Baiki dan almubazzaranci kullum yabi jirgi ya fita wasu kasashen ba,
babu kamar ma in ana champions league,
a lokacin ko baida kudi haukacewa yakeyi ya sato su gurin umminshi,
ko kuma cikin sarkokin kanwarshi dake nema ba dare ba rana,


Yanzu ma fake business ya kirkira saboda ya samu kudi, yana son zuwa kallon *Zee cine award* a london shi da budurwarshi masoyiyar india,
yasan Hilal ne kadai wanda zai rubuta kudi a bashi nan take,


Daga nan sai ya bar Hilal cikin matsala,
shidai bukatarshi ta biya baiji kunyar *Ailah* ba,

Sallama Irfan yayi wa Hilal,
saboda tsabar farin ciki ya manta bai kashe wayar ba,
nan suka shiga hira da managern suna fadin yadda zasu kasafta kudin da yadda zasuyi denying basu suka sa Hilal ba,
dama managern na matukar jin haushin Hilal,
saboda a da kaninshi ke musu zane kafin zuwan Hilal ya doke su,

Saida ya gama jinsu tsaf har Irfan ya tafi sannan ya katse wayar yana tunanin rashin imani irin na mutane,
wai ciki harda dan da ka haifa,

kai duniya ina zaki damu ne,

shikenan san kudi yasa mun manta komai na duniya,

mun manta duties dinmu, zumuncinmu,
matsayinmu,
da kuma addininmu,


Ya Allah ka sanyawa zukatanmu kyankyamin daudar duniya,


*(Irfan Ateek bai san da wanda yake son ya fara harka ba)......*



Mrs Tijjani Shattimah.......
[27/03 8:43 PM] Aysha Ya'u Kura: •• *ZUMUNCINMU A YAU* •• 4⃣7⃣
By *Aysha Ya'u kurah*





Zaune take cikin duhu da waya a hannunta,
zuciyarta kamar zata fashe saboda bakin ciki,

Tuno sanda suka taso daga makaranta tayi,
tabi bayan motar malam Ali dan ya maida ita gida yace "Daddy yayi mishi kashedin kar ya daukata,


kwafa tayi ta sake duba agogo karfe takwas da rabi,

har lokacin Goggo bata dawo ba,

plate din da taci chips da dankalin da ta siyo tayi wurgi dashi waje,
tana jiyo masu ginin gidan na mata sallama tayi banza dasu dan bataga abun da zata musu ba,



Muryoyi ta jiyo suna shewa suna fadin
"lallai masu ginin nan sun iya fitar da foundation,

sosai ginin ya burge Baffa domin irin ginin da yake so ne,



Fitowa tayi da sauri dan tana ganin rokon Baffa ne kadai mafita,
shi zai je ya samu Daddy ya bashi hakuri,
inda suke taje ta fashe da kuka,


Papy da ya tsani kuka musamman na mace yayi saurin cewa
"lafiya?, meya sameki?,


"kyaleta shagwaba ce,
yanzu haka wani abun takeso, Baffa ya fadi yana kauda wani katon dutse,


"Baffa dan Allah ka maidani gida,
ka bawa Daddy hakuri,
wallahi bazan kara ba,
kusa da ita Baffa ya dawo dan baida masaniyar dalilin dawowarta gidan,
"lafiya, me kikayi mishi?


Share hawaye tayi tace
"fada mukayi da Nadeeyah,
kuma itace ta fara tsokanata,
shine yace in zo nan gidan inyi wata daya,
kuma Goggo bata bani abinci,
tun safe banci komai ba,
da na dawo makaranta ma haka,
kuma har yanzu bata dawo ba,
ga duhu gashi sauro sai cizona sukeyi,


Papy duk yaji babu dadi,
duk tunaninshi Daddy ne ya haifi Badariyya,
girman Daddy ya kara gani idonshi,
saboda yar da ba taka ba kace yarka ta bar gidanka,
bazai yiwu ba,
shima dole ya taka rawar gani a matsayinshi na uba ya mayar da ita,

"share hawayenki, ki shirya mu tafi in maida ki,
ai ba'a shiga fadan yara,

maza shirya mu tafi,
nasan yana gida yanzu,


Murmushin jin dadi Baffa yayi yace "aiko ka kyauta,
nasan zai hakura dan bai taba yin irin wannan fushin ba,
kace ina gaisheshi,
zaiji in shaa Allah,
bari insa Jamal ya fitar da mota kafin nan ta fito,



Fada sosai Baffa yayi mata na ta iya maraicinta,
"Kina gani yanzu Muntari har ya fara cewa ki bar mishi gida,

ina ga nan gaba in kika kaishi bango,

wallahi ki maida hankalinki,


Gyada kai tayi kamar taji abinda yace,
bai san so takeyi ta koma tun kusancin Nadeeyah da Musaddiq baiyi nisa ba,
tun yanzu ma kenan ta fara sa hularshi,
gaba sai hada jiki da sunan soyayya.... ta karashe hade da runtse ido tana fadin Allah ya kauda idon Musaddiq akan Nadeeyah......




Saboda kunyar idon Papy, Daddy baiyi wata jayayya ba ya ce ta shiga gida,
godiya Papy yayi mishi, nan suka shiga hira,
ya fada mishi shirin da yayi na auren Baffa da Anni,


Ba karamin farin ciki Daddy yayi ba,
dan ya hango tsantsar tsoron Allah da ilimi a tattare da Anni,

Yana da yakinin yanzu zumuncin zuri'ar matarshi da ta 'yayanshi zai gyaru ta sanadiyar Papy da Anni,



Zama Mummy tayi bayan ta gama jin zancen auren,

A zuciyarta bata ji dadi ba dan abun kunya ne a gurinta tace babanta zaiyi aure,
me kawayenta zasu dauke shi,


A fili kuwa saboda yadda taga Daddy na farin ciki kamar shi zaiyi auren,
ta nuna itama ta amince, ta cigaba da cewa
"gara a sakawa Anni ta wannan hanyar,
dan tayi mana abun da bazamu taba mantawa ba,
samun mutane irinta sai an tona....




Sai kusan goma Papy ya fara shirin tafiya,


Dakatar dashi Daddy yayi,
ya dauko Sarkar Atika yace

"wannan Sarkar mahaifiyarku ce wacce mukayi tunanin su Hafeez ne magadan ta,
to yanzu kai ne ke da gadonta domin Baffa yace ya bar musu,



Dariya Papy yayi ya karbi sarkar dan jin dumin mahaifiyarshi yace

"nima na bar musu,
domin duk 'yayanmu ne,
ka ajiyeta a gurinka, kaine uba a garesu,

mun gode sosai da yadda kake kula dasu,


karbar Sarkar Daddy yayi yace "to Madallah,
zan cigaba da ajiye musu har lokacin da zasu bukace ta,

Allah yayi wa zuri'armu albarka,

Ameen....
Papy ya fada hade da mikewa yayi sallama da Mummy,


Har gurin mota Daddy ya rakashi, nan ma suka dan taba hira sannan suka wuce cike da shaukin shakuwa kamar sun shekara tare......




Har kwana hudu babu Goggo babu dalilinta,


Hankalin Baffa ba karamin tashi yayi ba dan ba inda bai nemeta ba,
wayarta a kashe take,
duk inda yasan tana zuwa yaje ya duba shuru,

Allah kadai yasan inda ta shiga,


Itama Mummy ba karamin tashin hankali ta shiga ba,

saidai tasan bazata bata ba,